有「仔」萬事足的吳千語，與男友林峯經常出雙入對，早前本報獨家拍得林峯夜訪香閨度春宵，甜蜜到暈！昨日千語BB以一身火紅連身裙上陣，出席《萬聖節 Candy Factory@海港城》，本來打算大騷美腿，可惜火柴人的身形，反而令一對長腿看似一拗就斷，再加上一對5吋高跟鞋，認真步步驚心！
原本因箍牙而令雙頰有少許不對稱的千語，未知是否因受跌磅影響，昨日歪面更為明顯，大細面情況更見嚴重！驚變「歪面BB」的千語，被問到為何大細面時，她急急解釋稱是因剝牙所致：「左面剝咗一隻牙，佢（牙齒）會自己移位，所以都有少少影響。（影響同男友錫錫？）都唔係大部分時間戴（牙箍），飲食都有影響，唔可以食甜嘢，驚會蛀牙。」她又大吐苦水，指箍牙令她食得少，連說話都大受影響：「因為箍緊牙影響講嘢，所以做嘢嘅時候唔戴得，不過仲要箍多一年，食嘢都少咗。」
得100磅自踩唔正常
問到為何面形變得更尖？千語自爆激瘦至100磅，又自踩比例唔正常：「我依家得100磅，有170cm高，比例唔係咁正常，不過自己由細到大都偏瘦，所以身子唔好。（擔心難佗B？）有睇醫生調理身體，希望身子好啲！依家成日好易攰同眼瞓。」問到上圍有否縮水？她謙稱身材冇變，更笑言希望是財多身子弱。對於林峯被拍得夜訪香閨度春宵，她未有否認，只解釋對方是送她回家，不過卻避談男友是否經常上門過夜：「佢係送我返去，咁夜出完街，送我返屋企好正常。（林峯經常上門過夜？）太私人嘅嘢唔講啦！」記者昨日聯絡林峯，不過至截稿前仍未回覆。
另外，有報道指千語BB（目及）實林峯與徐子珊拍咀戲，搞到林峯尷尬唔自在。昨日林峯與徐子珊為電影《3D詭嬰》宣傳時，被問到女友緊張監場，林峯即出口護「B」說：「我同子珊水入面Kiss拍咗好長時間，佢（吳千語）點會喺度，傻o架咩？之後再拍多一個上水鏡頭，到拍嗰時佢至到現場。」而子珊亦幫口護千語，指千語是因劇情需要而現身，更自稱當時刻意避開千語的眼神。
沒有留言:
張貼留言