宣揚和平訊息嘅黃色巨鴨，今日出巡游維港。港男女神黃美棋BB(美棋BB)亦急不及待，馬上海港城親親鴨鴨。中途落起雨嚟，美棋BB即童心大發，為巨鴨擔遮；期間又向住巨鴨又咀又伸脷。美棋BB話：「細個時我試過養鴨，但好難養，好易死。」
童星出身的黃美棋搖身成為宅男熱捧的女神「美棋BB」，日前再度與司徒夾帶（陳學鳴）合作，美棋Cosplay卡通人物百變小櫻，賣萌冧盡粉絲。她孭着一對天使羽翼及着上校服短裙仔，再手持惡搞版「憤怒鳥魔杖」，扮演山寨百變小「鷹」施魔法！
美棋自爆從小已是小櫻的忠實粉絲：「細個已有睇，今次第一次扮卡通人物，拍嗰時好怕醜，因為要扮小櫻唸魔咒，到場又有客望住，不過拍完之後啲客都有讚我得意。」打回「原形」的她又換上主播服及小背心行山look，更Chok樣拍照淺露事業線。
問到可會以三點式上陣玩Cosplay？美棋自言是個傳統乖女：「唔得，我好傳統同保守，加上自己好抗拒，唔係行性感路線。（浪費好身材？）唔係咁講，好多人都有好身材啦！」但她坦言恨拍纖體廣告：「不過纖體廣告都未必出動比堅尼，現階段都唔想咁性感。」
她透露最近忙於拍香港電視劇集，其中一套飾演打女：「有打鬥場面，我要做小女俠行俠仗義。雖然好多時都有替身，但自己都要落場打，好彩暫時未有損傷。」
沒有留言:
張貼留言