陳凱琳爆牙照

今屆港姐冠軍陳凱琳，個樣鬼鬼哋，被封為近十年最省鏡港姐冠軍，而且出口撐普選，加埋呢頂女神光環，觀眾普遍對佢頗有好感。

---

BARCODE | TEC | ZEBRA | CAB | TSC | GODEX | POS | SCANER | TAG | RIBBON | LABEL | printer barcode |

---

不過陳凱琳選前都有整容傳聞，但佢就po啲童年照反擊，佢細個同細佬個樣已經鬼鬼哋，而今日就有報道佢19歲時黑皮膚兼爆牙，同依家白面嘅佢雖然輪廓上分別唔太，下巴一樣咁尖，不過眼袋又黑又大都幾趕客。

不過講到尾陳凱琳都係天生靚女，佢其實有一名胞姊陳凱晴(Joyce)，同佢個樣完全唔似，有位標緻妹妹，呢位家姐應該好有壓力，今日就有報道話陳凱晴喺自己嘅fb，都有呻爆個妹生得靚搞到佢有童年陰影。

陳凱晴喺fb話:「究竟我怎樣去面對這個樣貌出眾的妹妹?是妒忌?是自卑?」又表示媽媽會間中問佢:「妹妹生得這麼漂亮，你會妒忌嗎?你會感到不開心嗎?」不過陳凱晴覺得媽媽的關心並無大作用，反而成為了一條刺。又表示親戚朋友為免佢難受，通常都會話:「其實Joyce都幾靚啊!兩個女都十分漂亮。」陳凱晴話呢種「施捨」令佢唔好受，仲成為童年陰影。