呂慧儀捉小三疑婚變

長腳蟹呂慧儀前年同08年香港先生黃文迪結婚，佢哋成日都喺微博打情罵俏，表面睇好恩愛。但前日呂慧儀突然喺微博向老公大興問罪之師，上載一男一女喺車廂內手拖手嘅相，仲寫住：「我想來想去都想不到我甚麼時候塗過黑色甲油，＠黃文廸，你是否記錯了？」有網民質疑黃文迪偷食，有人希望只係開玩笑。

---

條碼機 | TEC | ZEBRA | CAB | TSC | GODEX | POS | 條碼掃描器 | 標籤貼紙 | 碳帶 | 標籤機 | 布標機 |條碼印刷 |

---

呂慧儀噚日喺電話中被問婚變？佢答到似是疑非：「唔知呀，喺佢Instagram發現（拖手相），我好肯定自己冇搽黑色指甲油，但冇問過佢，佢亦冇解釋，不如你哋（記者）問佢啦！」

「我會拱手相讓」

呂慧儀聲稱相信老公為人，但問係咪有第三者？佢故作輕鬆，哈哈笑話：「如果係我會拱手相讓囉，唔鍾意爭嘢。」問佢會唔會生BB箍實老公呢？佢好決絕話：「一定唔會。」噚日呂慧儀又喺微博放咗張眼神好憂鬱嘅相，仲有感而發話金錢令人變得醜惡，寫住：「即使曾經跟你有多親，心變了也就成為陌生。」不過佢解釋只係講緊一位親戚經歷。